إزاى تكتشفى خيانة زوجك ليكى بمنتهى البساطة!!

"إزاى تكتشفى خيانة زوجك ليكى ركزى يا مدام"..شوية حاجات بسيطة ممكن تعرفى 

بيها زوجك بيخونك ولا لأ..... تصرفاته هتبينلك دة بس ركزى 

1- بصى ياستى الموبايل.. بيحطله كود سرى.. ميتفتحش غير بالرقم السرى دة. 

2- الموبايل بيبقى فى وضع صامت فى بعض الأحيان من غير مُبرر، وإذا سألتيه 

يقولك مش عارف بقى صامت ازاى.. سبحان الله يا أخى...غريبة 

3- إذا رن الموبايل يروح باصص عالرقم ويقولك.. واحد صحبى مش عايز أرد 

عليه.. رغم إنك مسألتيهوش.

4- الموبايل مبيفارقش إيده لأنه خايف يقع فى إيدك وتكتشفى أو تستنتجى حاجة. 

6- يمسك الموبايل ويوصلك إنه فاتح الألة الحاسبة، أو موقع إخبارى، وهو بيرد 

على المسجات اللى بتيجى.. وكل شوية يرميلك 

كلمة تخص الأخبار أو أى حاجة تانية.. آل يعنى بيقرأ، ومُنفعل بالأخبار اللى بيقراها..

7- لو لاقاكى مسكتى الموبايل فى لحظة غفلة منه.. يجرى عليكى و يقولك هاتى صحيح. 

ده أنا لازم أكلم فلان، أو البرنامج الفلانى 

بيتحمل.. أوعى تفتحى حاجة.

8- أول ما يفتح عينه الصبح يمسك الموبايل يشيك على البريد الوارد، والرسائل 

الواردة.

9- لو لقيتى أسماء غريبة على موبايله.. مثلًا أبو ملك.. أبو بدور.. حروف إنجليزى كأنها اسم شخص أجنبى.. كدا يعنى.

10- إذا كان بيستنى نومك أو انشغالك بفارغ الصبر عشان يقعد عالنت براحته.

11- لما تلاقى البريد الوارد سواء عالموبايل أو الفيس بوك أو الإيميل ممسوح أول 

بأول.. والصادر والوارد من موبايله.

لو عندك 3 نقط من دول موجودين فى جوزك.. انتبهى.

لو 6 شغلى خاصية الانتباه، والتركيز، والتفحيص، والتمحيص، وحطى الضحية فى 

دماغك.

لو أكتر من 6.. حضرى الأكياس البلاستيك، والسكينة المسنونة.. والديتول عشان 

تطهرى مكان الجريمة..

أنا محضر خير وحابة أساعد مش أكتر